आजबाट कुवेतमा एक महिने कर्फ्यु

कोरोना संक्रमण बढेपछि कुवेत सरकारले कर्फ्यु लगाउने भएको छ । थप कोरोना फैलन नदिन र नियन्त्रण गर्न आज साँझ १ महिनाको लागि कर्फ्यु लगाइने सरकारका प्रवक्ताले जानकारी दिएका छन् । आज साँझ बाट  ५ बजेबाट बिहान ५ बजेसम्म १ महिना कर्फ्यु लाग्ने छ । कर्फ्युको समयमा प्रार्थना गर्न मस्जिदसम्म जान छुट दिइएको छ । त्यस्तै औषधि पसल लगायतका अत्यावश्यकका क्षेत्रहरू खुल्ला रहने भएका छन् भने सार्वजनिक पार्कहरू बन्द रहनेछन् ।कुवेतमा पछिल्लो साताबाट कोरोना सङ्क्रमितको सङ्ख्या निकै बढीरहेको छ । कुवेतमा १ लाख ९६ हजार ४ सय ९७ जनामा कोरोना पुष्टि भइ सकेको छ भने १ हजार १ सय ५ जनाको मृत्यु भइसकेको छ ।