काठमाडौं- भारतमा कोरोना भाइरसको सङ्क्रमण पुन तीब्र बन्दै गएको छ । पछिल्लो २४ घण्टामा भारतमा २६ हजार ५ सय १४ जना नयाँ कोरोना संक्रमित थपिएका छन् । यो पछिल्लो तीन महिनायताकै दैनिक सङ्क्रमित संख्याभन्दा सबैभन्दा धेरै हो। यसअघि गएको डिसेम्बरमा २६ हजार ६ सय २४ जनालाई सङ्क्रमण भएको पाइएको थियो ।भारतमा अहिलेसम्म कोरोना सङ्क्रमितको संख्या एक करोड १३ लाख नाघेको छ । भारतमा कोरोनाका कारण एक लाख ५८ हजारभन्दा धेरैको ज्यान गएको छ भने एक करोड १० लाखभन्दा धेरैले कोरोनालाई जितेका छन् ।भारतको महाराष्ट्र, कर्नाटक, केरला, पञ्जाब, गुजरातलगायतका विभिन्न ठाउँमा सङ्क्रमण बढ्दै गएको पाइएको छ ।यी राज्यका विभिन्न ठाउँमा लकडाउन र रात्रिकालीन कर्फ्यु लगाइएको छ । कोरोनाको झण्डै ६० प्रतिशत सक्रिय सङ्क्रमित महाराष्ट्रमा पाइएको छ ।