अन्तराष्ट्रिय

बन्दै गरेको विमानस्थलमा झुक्किएर विमान अवतरण गरेपछि…


  काठमाडाैं   सवाल नेपाल   २०७७ चैत्र २५, १४:३१

इथियोपियन एयरलाइन्सको एक विमान जाम्बियामा बन्दै गरेको एक विमानस्थलमा अवतरण गरेको एयरलाइन्सले सोमवार पुष्टि गरेको छ ।

उक्त मालवाहक विमान अदिस अबाबाबाट न्दोलामा रहेको साइमन म्वान्सा काप्वेप्वे विमानस्थल जानुपर्ने थियो तर आइतवार जाम्बियाको कप्परबेल्ट अन्तर्राष्ट्रिय विमानस्थलमा अवतरण गरेको थियो । २१ किलोमिटर टाढा रहेको उक्त विमानस्थल सञ्चालनमा आएको छैन ।

उडान नम्बर ईटी ३८९१ ले नयाँ विमानस्थलमा सुरक्षित अवतरण गरेको इथियोपियन एयरलाइन्सले जनाएको छ ।

नयाँ विमानस्थल अक्टोबर २०२० मा पूरा हुनुपर्ने थियो । तर महामारीका कारण निर्माणमा ढिलाइ आएको हो ।

सञ्चालनमा आइनसकेको विमानस्थलमा धावनमार्ग चाहिँ पूरा बनिसकेको जिम्बाब्वेको नागरिक उड्डयन विभागले जनाएको छ । अन्य संरचना चाहिँ कम्तीमा ८८ प्रतिशत पूरा भइसकेको छ ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु