बलान बिहुल गाउँपालिका-३ महुवा टोल बस्ने जयावतीदेवी मण्डलको मृत्यु भएको जिल्ला प्रहरी कार्यालय सप्तरीका प्रहरी नायब उपरीक्षक (डिएसपी) माधवप्रसाद काफ्लेले जानकारी दिए।सोमबार राति पौने ७ बजे मण्डल खेतमा भैंसी चराउन गएकी थिइन्। त्यसबेला भैंसी एक्कासि उम्किएको थियो। भैंसीको डोरी मण्डलको दायाँ हातमा अल्झिएको डिएसपी काफ्लेले बताए।भैंसीले डोरीमा अल्झिएकी मण्डललाई घिसार्दा उनको टाउको, अनुहार र शरीरको विभिन्न भागमा चोट लागेको थियो। गम्भीर घाइते भएकी मण्डललाई तत्काल उपचारको लागि स्थानीय मेडिकल चनही लानेक्रममा बाटोमै मृत्यु भएको थियो।सप्तरीमा भैंसीले घिसार्दा एक जनाको मृत्यु भएको छ।शवको पोष्टमार्टमको लागि सिरहा पठाइएको कार्यालयले जनाएको छ।