आज बिहानैदेखि छैन पोखरामा बिजुली

पोखराभरि आइतबार बिहानैदेखि विद्युत अवरूद्ध भएको छ। विद्युत प्राधिकरण पोखरा शाखाका अनुसार पोखरा ग्रिड सबस्टेसन मर्मत गर्न विद्युत सेवा अवरूद्ध भएको हो।मर्मतका लागि बिहान ६  बजेदेखि कास्की जिल्लाभर वितरण गरिएको लाइन काटिएको प्राधिकरण पोखरा प्रमुख माधव पौडेलले जानकारी दिए। मर्मत सकिए दिउँसो १ बजेदेखि विद्युत सेवा सुचारू हुने उनले जानकारी दिए।