एजेन्सी। इराकको बगदादस्थित कोरोना अस्पतालमा अक्सिजन सिलिन्डर विस्फोट हुँदा २८ जनाको ज्यान गएको छ। शनिबार सिलिन्डर विस्फोट भएको इब्न अल–खातिब अस्पतालमा कोरोना उपचार गराइरहेका गम्भीर बिरामीको मृत्यु भएको हो। विस्फोटमा मृत्यु हुनेको यकिन संख्या अझै नआइसकेको घटनास्थलमा रहेका चिकित्सक सबा अल–कुजैले बताएका छन्। इराकी अधिकारीले मृत्यु हुने र घाइतेको संख्या सार्वजनिक गरेको छैन।