अनौठा कुरा

यी महिलाले गरिन् मृत्युको रिहर्सल, कफिनमा सुतेर आफन्तलाई भेला पारी रुन लगाइन्


  चिली   एजेन्सी   २०७८ बैशाख ३०, १२:१२

चिलीमा एक महिलाले कोरोनाकाल आफ्नो नक्कली मृत्युको झूटो अन्त्येष्टि गराएकी छन् ।

यस अवसरमा उनले आफ्ना इष्टमित्रलाई भेला पारेर रुन समेत लगाइन् ।
नक्कली अन्त्येष्टिका लागि उनले एक लाख रुपैयाँभन्दा बढी खर्च गरिन् ।

राजधानी स्यान्टियागोमा बस्ने ५९ वर्षीया मायराले विगत केही महिनायता कोरोनाका कारण धेरैजना मरेको देखेर आफ्नो अन्त्येष्टिका बारेमा सोच्न थालेकी थिइन् । अनि उनमा अन्त्येष्टिको रिहर्सल गर्ने सोच आयो । त्यसपछि साथीभाइ आफन्त बोलाएर उनले यो विचित्रको काम गरिन् ।

एउटा सेतो कफिनमा उनी केही घन्टासम्म पल्टिरहिन् । उनले कफिन एक दिनका लागि भाडामा लिएकी थिइन् । आफन्त र साथीहरूले उनका लागि नक्कली आँसु समेत बगाए । कतिपयले यस घटनाको तस्वीर खिचिबसे ।

मायराले सेतो लुगा लगाएर फूलहरूको क्राउन पनि लगाएकी थिइन् । उनले नाकमा रुई समेत कोचेकी थिइन् ।

यसरी पब्लिसिटी स्टन्ट गरेर मृतकहरूलाई मजाक उडाएको भन्दै मानिसहरूले उनको आलोचना समेत गरेका छन् ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई sawalnepal89@gmail.com मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु