इजरायलमा उग्रदक्षिणपन्थीहरूले भीडले तेलअभिभ नजिक एक अरब पुरुषमाथि बुधवार आक्रमण गरेका छन् ।
इजरायल र प्यालेस्टाइनबीच द्वन्द्व चलिरहेको बेलामा ती पुरुषलाई बेहोश नहुन्जेल कुटपिट गरेको भिडियो सार्वजनिक भएको हो ।
तेलअभिभको दक्षिणमा रहेको बात याम भन्ने स्थानमा आक्रमण गरिएको हो ।
प्रहरी तथा आकस्मिक सेवाका मानिसहरू घटनास्थलमा १५ मिनेटपछि मात्र आइपुगेका थिए । त्यतिन्जेल पीडित अचेत भएर सडकको बीचमा लडेका थिए ।
उक्त अरब पुरुषले यहुदी राष्ट्रवादीहरूमाथि गाडी चलाउन खोजेको भन्दै भीडले कुटपिटलाई जायज ठहर्याउन खोजेको थियो ।
‘पीडित गम्भीर घाइते छन् तर उनको स्वास्थ्यस्थिति स्थिर छ,’ इचिलोभ अस्पतालले बयान जारी गरेर बतायो ।
अरब र यहुदीहरू सडकमा भिडिरहेको अनि दंगा गर्नेहरूले गाडीहरूमा आगजनी गरिरहेको बेलामा यो घटना पनि भएको हो ।
लोद शहरमा यहुदी र अरब बराबरी संख्यामा बस्छन् र त्यहाँ मंगलवार निकै हिंसा भएको थियो ।
प्रहरीले दंगामा सहभागी लगभग ४०० जनालाई देशभरिबाट बुधवार समातिएको जानकारी दिएको छ ।
https://videos.dailymail.co.uk/video/mol/2021/05/12/3483983636671776435/640x360_MP4_3483983636671776435.mp4
