अन्तराष्ट्रिय

मेरो कुरामा ध्यान देऊ भन्दै बाइडनलाई पत्नी जिलले थर्काइन् (भिडियो)


  काठमाडौं   सवाल नेपाल   २०७८ जेष्ठ २७, १४:२८

अमेरिकाका राष्ट्रपति जो बाइडनलाई पत्नी जिलले ध्यान देऊ भन्दै थर्काएकी छन् ।

बुधवार राति बेलायतमा अमेरिकी सैनिकहरूलाई सम्बोधन गर्ने क्रममा जिलले जोलाई ध्यान दिन भनेकी हुन् ।

‘जो, ध्यान देऊ,’ जिलले भनिन् ।

रोयल एयर फोर्स मिल्डेनहलमा वायुसेनाका जवानलाई सम्बोधन गर्ने क्रममा उनले भाषण गरेकी थिइन् ।

उनले जवानहरूलाई बस्न भनेकी थिइन् । राष्ट्रपति बाइडन उनीपछाडि उभिएका थिए । उनले जवानहरू राम्ररी बसे कि बसेनन् भनी पछाडि फर्केर हेरेका थिए ।

त्यो देखेपछि जिलले जोलाई ध्यान देऊ भनेकी हुन् ।

जिलको कुरा सुनेपछि जोले उनलाई सलाम गर्दै हस् भनेका थिए । अनि सबैजना गलल्ल हाँसेका थिए ।

आफ्नो छोटो भाषणमा उनले सैनिकहरूलाई देशसेवाका लागि धन्यवाद दिएकी थिइन् ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई sawalnepal89@gmail.com मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु