अन्तराष्ट्रिय

धर्मपरिवर्तन गराउने गिरोह पक्राउ


  काठमाडौं   एजेन्सी   २०७८ असार ७, १४:५६

प्रेरणास्पद सोचको नाममा हिन्दूहरूको धर्म परिवर्तन गराउने दुईजना मौलवीलाई उत्तर प्रदेशको प्रतिआतंकवादी टोली (एटीएस) ले लखनउबाट पक्राउ गरेको छ ।

एटीएसको टोलीले चार दिनदेखि यिनीहरूसँग सोधपुछ गरिरहेको थियो । पाकिस्तानको गुप्तचर निकाय आईएसआईले पनि यिनीहरूमा लगानी गरेको थियो ।

पक्राउ परेका मौलाना जहाँगीर र उमर गौतम लखनउस्थित एक ठूलो मुसलमान संस्थामा जोडिएका छन् । एटीएस अधिकारीहरूका अनुसार, यी मौलवीहरू गरीब हिन्दूलाई तारो बनाउँथे । अहिलेसम्म उनीहरूले लगभग एक हजार हिन्दूहरूको धर्म परिवर्तन गराइसकेका छन् । तीमध्ये धेरैजसो सुन्न बोल्न नसक्ने अपांगता भएका महिला छन् ।

रामपुरको एक गाउँमा दुईजना हिन्दू बालबालिकालाई जबर्जस्ती खतना गरेर धर्मान्तरण गराउन पक्राउ परेकामध्ये एक मौलवीको हात रहेको बताइएको छ ।

यी दुवै मौलवीहरू पश्चिमी उत्तर प्रदेशमा बस्छन् । विदेशमा सञ्चालित एक मुस्लिम संगठनले पनि यिनीहरूलाई लगानी गरेको बताइन्छ ।

यिनीहरूले दावा इस्लामिक सेन्टर नामक संस्था चलाउने गरेका छन् । जुन ३ मा दिल्लीको डासना मन्दिरमा दुईजना मुसलमान किशोरहरूले पुजारीमाथि आक्रमणको प्रयास गरेका थिए । दुवैलाई पक्राउपछि सोधपुछ गर्दा मौलाना उमर र जहाँगिरको बारेमा जानकारी प्राप्त भयो ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई sawalnepal89@gmail.com मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

थप समाचार