आश्विन ३०, २०७३- प्रधानमन्त्री पुष्पकमल दाहालको चिनियाँ राष्ट्रपति सी जिनपिङको भेटघाट साँझ ६ बजेर १० मिनेटका लागि तय भएको थियो । त्यसका लागि दाहाल निर्धारित समयभन्दा केही अगाडि नै ताज होटेलमा पुगेका थिए । तर त्यही समय चिनियाँ राष्ट्रपति र भारतका प्रधानमन्त्री नरेन्द्र मोदीको भेटघाट चलिरहेको थियो । भेटघाटका लागि दाहालले झण्डै ३० मिनेट होटलमा कुर्नु परेको थियो । त्यसपछि चिनियाँ राष्ट्रपति तोकिएकै समयमा भेटघाट स्थलमा आए ।
दुईपक्षिय भेटघाटको लागि तय गरिएको होटलमा कोठा अगाडि दुवै देशको झण्डा पृष्ठभुमिमा राखेर हात मिलाउने र फोटो खिचाउने कार्यक्रम थियो । तर चिनियाँ राष्ट्रपति आएको झण्डै पाँच मिनेटसम्म झण्डाको पृष्ठभूमिका आए तर दाहाल आइपुगेनन् । त्यहाँ रहेका नेपाली प्रतिनिधि मण्डलका धेरै जसोले सीसँग हात मिलाउने अवसर पाए ।