अन्तराष्ट्रिय

दुहाला नै कोरोना ‘पोजेटिभ’ देखिएपछि बाटोबाटै बिहे फिर्ता, १४ दिनपछि आउन निर्देशन


  काठमाडौं   सवाल नेपाल   २०७८ श्रावण १६, १४:३५

विवाहको दिन झकिझकाउ भएर दुहली ल्याउन जन्तीसहित घरबाट निस्केका भारतको उत्तर प्रदेश (यूपी) स्थित पीलीभीतका दुलाहालाई उत्तराखण्ड प्रदेशको सीमामा प्रहरीले रोक्यो । बिहे उत्तराखण्डको खटिमा जान खोजेको थियो ।

एक प्रदेशबाट अर्काे प्रदेशमा जाँदा प्रहरीले कडा चेकजाँच गरिरहेको थियो ।

प्रदेशको सीमामा खटिएको यूपी–उत्तराखण्ड प्रदेशको संयुक्त स्वास्थ्य विभागको टोलीले चेकजाँच शुरू गर्‍यो । सबैभन्दा पहिला दुलाहाको कोरोना जाँच गरियो ।

दुलाहाको रिपोर्ट नै पोजेटिभ आएपछि सबै हैरान भए । दुहालासँगै कारमा बसेका अन्य जन्तीलाई रिपोर्टबारे जानकारी गराइयो ।

दुलाहाको रिपोर्ट नै पोजेटिभ आएपछि प्रहरीले बिहेलाई अगाडि बढ्न नदिने भयो । प्रहरीले १४ दिनपछि नेगेटिभ रिपोर्ट आएमा मात्रै बिहे गर्न पाइने निष्कर्ष सुनायो ।

उता दुलहीपट्टि समेत बिहेको धुमधाम तयारी भइरहेको थियो । तर दुलाहा बाटोबाटै फर्किनुपर्ने भयो । प्रहरीले बिहेलाई आउन नदिएको खबर दुलहीको घरसम्म पुग्यो । दुलही पक्ष बाटोसम्मै आए तर प्रहरीको कुरा सुनेपछि निराश हुँदै फर्किएर गए ।

भारतीय सञ्चारमाध्यमका अनुसार अब सबै जन्तीको कोरोना परीक्षण गरिने भएको छ ।

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

थप समाचार