मुम्बई ड्रग्स केसमा पक्राउ परेका आर्यन खान २८ दिनपछि आफ्नो घर मन्नत पुगेका छन् । आर्यनलाई क्रुजबाट २ अक्टोबरमा पक्राउ गरिएको थियो, त्यसपछि उनी ७ अक्टोबरदेखि लगातार न्यायिक हिरासतमा थिए । बम्बे हाइकोर्टबाट आर्यन खानले २८ अक्टोबरमा जमानत पाएका थिए ।

यद्यपि, कागजी कारवाही पूरा नभएकमा कारण उनी जेलबाट बाहिरिन पाएका थिएनन् । जमानतपछि उनी जेलबाट बाहिर आएपनि उच्च न्यायालयले उनलाई विभिन्न शर्तसहित जमानत दिएको छ । यसका पालना आर्यन खानले जेलबाहिर पनि गर्नुपर्नेछ ।