काठमाडौं। भारतको तमिलनाडुमा भएको हेलिकप्टर दुर्घटनामा एक्लै बाँचेका भारतीय सेनाका अधिकारी ग्रुप क्याप्टेन वरुण सिंहको पनि मृत्यु भएको छ । ८ डिसेम्बरमा तमिलनाडुको कुन्नुरमा भएको हेलिकप्टर दुर्घटनामा परेका १४ जनामध्ये १३ जनाको त्यतिबेलै मृत्यु हुँदा वरुण सिंह मात्र बाँचेका थिए । बुधबार उनको मृत्यु भएको भारतीय वायु सेनाले जानकारी दिएको छ ।
यो दुर्घटनामा भारतीय सेनाका चीफ अफ डिफेन्स स्टाफ जनरल बिपिन रावत, उनकी पत्नी मधुलिकासहित हेलिकप्टरमा सवार सबैको मृत्यु भएको छ । तमिलनाडुमा एक कार्यक्रमका लागि गएका सीडीएस रावतको हेलिकप्टर उडेको केही बेरमै दुर्घटना भएको थियो ।