मुगु — हिमपातका कारण मुगु र हुम्लाको उडान प्रभावित भएको छ । जिल्लाको एक मात्र हवाई सेवा हिमपातकै कारण अवरुद्ध बनेको हो ।

रारा विमानस्थलमा बाक्लो हिउँ जमेपछि एयरलाइन्सहरुलाई उडान भर्न मुस्किल हुँदा यात्रु अलपत्र परेका छन् । धावनमार्गमा हिउँ जमेपछि हवाईसेवा अवरुद्ध भएको रारा नागरिक हवाइ उडड्यन कार्यालयले जनाएको छ ।

हाल देशमा पश्चिमी न्यून चापीय प्रणालीको प्रभाव रहेको छ । उक्त प्रणालीका कारण अहिले देशभर सामान्यदेखि पूर्ण बदली रही अधिकांश स्थानमा हल्का वर्षा र उच्च हिमाली तथा पहाडी भेगमा हिमपात भइरहेको मौसम पूर्वानुमान महाशाखाले जनाएको छ ।