चिनियाँको नजरमा ट्याटु ‘कलंक’, लगााइयो फुटबलरमाथि प्रतिबन्ध

चीनले आफ्नो देशको राष्ट्रिय फुटबल टोलीका खेलाडीलाई ट्याटु हान्न प्रतिबन्ध लगाएको छ । चीनको खेलकुदको प्रशासनिक निकायले हालै यस्तो निर्णय गरेको हो । चीनले सन् २०१८ देखि नै ट्याटुको विषयमा कडा नियम लागु गर्दै आएको छ । प्रतिबन्ध लगाउँदै चीनले यसअघि ट्याटु बनाइसकेका खेलाडीलाई पनि हटाउन निर्देशन दिएको छ । चीनको संस्कृतिअनुसार ट्याटु हान्नुलाई निकै खराब मानिन्छ । ट्याटु कलंकको रुपमा चित्रण गरिँदै आएको छ ।