अमेरिकाले दूतावासका कर्मचारीका परिवारलाई युक्रेन छाड्न आदेश दिएको छ । अमेरिकी विदेश बिभाग (स्टेट डिपार्टमेन्ट)ले युक्रेनको किभमा रहेको अमेरिकी दूतावासका कर्मचारीका परिवारलाई देश छाड्न आदेश दिएको हो । युक्रेनको कुनै पनि ठाउँमा रुसी सैन्य कारबाहीले युक्रेन छोड्ने अमेरिकी नागरिकहरूलाई सहयोगसहित कन्सुलर (दूतावाससम्बन्धी ) सेवाहरू प्रदान गर्ने विदेश विभागले बताएका छन् । विदेश विभागले व्यावसायिक रूपमा उपलब्ध उडानहरूमा प्रस्थान गर्न सक्नेहरूलाई आग्रह गरिरहेको छ । रुसको निरन्तर सैन्य निर्माण र गलत सूचना अभियानका कारण धेरै सावधानी अपनाएर निर्णय गरिएको हो विदेश विभागका एक वरिष्ठ अधिकारीले भनेका छन् । रुसले युक्रेनको सीमानामा एक लाखभन्दा बढी सेना जम्मा गरिसकेको बताइएको छ । रुसी राष्ट्रपति भ्लादिमिर पुटिनले युक्रेनमा कुनै पनि समयमा आक्रमण गर्नसक्ने हुनाले अमेरिकाले आफ्ना नागरिकलाई युक्रेन छोड्न आग्रह गरेको जनाएको छ ।