भारतमा पछिल्लो २४ घन्टामा १ लाख ७२ हजार भन्दा धेरै कोरोना संक्रमित थपिएका छन्। केन्द्रीय स्वास्थ्य मन्त्रालयका अनुसार २४ घन्टामा १ लाख ७२ हजार ४३३ संक्रमित थपिँदा २ लाख ५९ हजार १०७ जना संक्रमणमुक्त भएका छन्।

यो अवधिमा १००८ जनाले कोरोना संक्रमणका कारण ज्यान गुमाएको मन्त्रालयले बिहीबार बिहान जानकारी दिएको छ।

अहिले भारतमा १५ लाख ३३ हजार भन्दा धेरै सक्रिय संक्रमित छन्। ज्यान गुमाउनेको संख्या ४ लाख ९८ हजार ९८३ पुगेको छ।