सवाल नेपाल/राजनीतिक ब्यूरो
नेपाली काँग्रेसले झापामा अन्तरघाती खाजेर कार्वाही शुरु गरेको छ । बिभिन्न ठाँउमा किचलो शुरु भएपनि झापाको सुरुगामा भने कार्वाही शुरु गरेको हो । यसले यहाँ हल्लिखल्लि मच्चिएको छ ।
कार्वाहीमा पर्नेहरुमा महासमिति सदस्य रमेश श्रेष्ठसहित पूर्व जिल्ला सदस्य सुकदेव पौडेल, सक्रिय सदस्य युवराज संग्रौला, क्षेत्रीय प्रतिनिधि पवन साह, सक्रिय सदस्य सुशील पोखरेल, इन्द्र श्रेष्ठ, निलम कटुवाल (निल डेबिड) र सदस्य साधारण कुमारमणि पोखरेल रहेका छन् ।
स्थानीय स्तरमा स्थापित र प्रभाव राख्न सक्ने काँग्रेसका नेता कार्यकर्ता सुरुगामा कार्वाहीमा परेको बताईएको छ । अब अन्य नगरहरुमा पनि कार्वाही शुरु हुने जनाईएको छ ।
दमकमा पनि कार्वाहीको हल्ला चलेपनि यो बिषय फेरी गुपचुप अवस्थामा पुगेको छ । पार्टीका पराजित कतिपय उम्मेदवारहरु भने कार्वाही नभए पार्टीमा रहेको औचित्य समाप्त हुने भन्दै नेतृत्वलाइ चेतावनी दिइरहेकाछन् ।
