काठमाडौँ – नेकपा एमाले नेत्री भगवती चौधरीले सुनसरी क्षेत्र नम्बर ३ प्रतिनिधि सभा सदस्यतर्फ मतान्तरलाई बढाएकी छन्।
निर्वाचन अधिकृतको कार्यालयका अनुसार चौधरीले हालसम्म १९ हजार ९ सय ८७ मत पाएकी छन्। उनले सत्तारुढ गठबन्धनका उम्मेदवार विजयकुमार गच्छदारलाई ४ हजार ७ सय ६४ मतले पछाडि पारेकी छन्।
नेपाली कांग्रेसका नेता गच्छदारले हालसम्म १५ हजार २ सय २३ मत पाएका छन्।
२०७४ सालको प्रतिनिधि सभा निर्वाचनमा समेत यस क्षेत्र दुवै जनाबीच कडा प्रतिस्पर्धा भएको थियो। जसमा गच्छदारले ३ सय २१ मतान्तरले चौधरीलाई पराजित गरेका थिए।
यसपटक सो क्षेत्रमा राष्ट्रिय स्वतन्त्र पार्टीका उम्मेदवार कमलबाबु मैनालीले ५ हजार ७ सय ३७ मत हासिल गर्दै गणना तालिकाको तेस्रो स्थानमा रहेका छन्।
प्रतिक्रिया
सम्बन्धित खवर
