उपाधिका लागि स्पेनिस ला लिगामा बार्सिलोनाले आफ्नो दाबेदारी कायमै राखेको छ।
शनिबार राति भएको खेलमा रिअल बेटिसलाई ४–० ले हराउँदै आफ्नो दाबेदारी कायमै राखेको हो।
घरेलु मैदान नोउ क्याम्पमा बार्सिलोनालाई जित दिलाउन आन्द्रेज क्रिस्टेनसेनले १४औं मिनेटमा सुरुवाती गोल गरेका थिए।
३६औं मिनेटमा रोबर्ट लेवान्डोस्कीले एक गोल थपे। त्यसको तीन मिनेटमै राफिन्हाले अर्को गोल गर्दा बार्सिलोना पहिलो हाफमै ३–० को अग्रता लिन सफल भयो।
बेटिसका एडगर गोन्जालेज ३३औं मिनेटमा रातो कार्ड पाउँदै मैदान बाहिरिए पछि पहिलो हाफबाट नै टिम १० खेलाडीमा समेटिन पुगेको थियो।
बार्सिलोनाको चर्को दबाबमा परेको बेटिस त्यो बेला झन् चर्को दबाबमा रहन पुग्यो, जुन बेला बेटिसका गुइडो रोड्रिगेजले ८२औं मिनेटमा बार्सिलोनालाई आत्मघाती गोल उपहार दिए। अन्ततः खेल ४–० मा टुंगियो।
यो जितसँगै बार्सिलोनाले ८२ खेलबाट ७९ अंक बटुलेको छ भने पराजित रियल बेटिस ४९ अंक जोडेर छैटौं स्थानमा छ।
प्रतिक्रिया
सम्बन्धित खवर
