इंग्लिस प्रिमियर लिग फुटबलको उपाधि होड रोमाञ्चक बन्दै गएको छ ।
शीर्ष स्थान र दोस्रो स्थानको टिमबीच एक अंकको मात्रै फरक हुँदा उपाधि होड रोमाञ्चक बन्न पुगेको हो ।
गएराति भएको खेलमा फुलह्यामलाई २–१ गोल अन्तरले पराजित गर्दै म्यानचेस्टर सिटी तालिकको शीर्ष स्थानमा उक्लदा यसअघि शीर्ष स्थानमा रहेको आर्सनल दोस्रो स्थानमा झरेको छ ।
सिटीले ३२ खेलबाट ७६ अंक बनाउँदा आर्सनलको ३३ खेलबाट ७५ अंक रहेको छ ।
गएराति सिटीले फुलह्यामलाई पराजित गर्दा एर्लिङ हालान्ड र जुलियन अल्भारेजले एक एक गोल गरे ।
फुलह्यामका कार्लोस भिनिसियसले १ गोल फर्काएका थिए ।
यसैगरी बर्नमाउथले लिड्स युनाइटेडलाई ४–१ गोल अन्तरले पराजित गर्दा म्यानचेस्टर युनाइटेडले एस्टोन भिल्लार्ला १–० ले स्तब्ध बनायो ।
त्यसैगरी न्युक्यासल युनाटेडले साउथह्याम्पटनमाथि ३–१ को जित दर्ता गर्दा लिभरपुलले टोटनह्यामलाई ४–३ ले स्तब्ध बनायो ।
प्रतिक्रिया
सम्बन्धित खवर
