नक्कली भुटानी शरणार्थी प्रकरणमा पक्राउ परेका टोपबहादुर रायमाझी प्रतिनिधि सभा सदस्यबाट पनि निलम्बित भएका हुन्
सोमबार उनलाई निलम्बन गरिएको संसद् सचिवालयले जानकारी दिएको छ।
विज्ञापन (ADVERTISEMENT)
प्रहरीले उनलाई गएराति बुढानीलकण्ठ पासिकोटबाट पक्राउ गरेको थियो। पक्राउ गरेको सूचना संसद् सचिवालयमा पुगेपछि रायमाझी संसद् सदस्यबाट पनि निलम्बनमा परेका हुन्।
यसअघि वैशाख २७ गते नेकपा (एमाले)ले पार्टी सचिवबाट पनि निलम्बन गरेको थियो। नक्कली भुटानी शरणार्थी प्रकरणमा पक्राउ पुर्जी जारी भएकाले अनुसन्धानमा सघाउ पुगोस् भनेर सचिवबाट निलम्बन गरेको एमालेले बताएको थियो।
प्रकरणमा टोपबहादुर रायमाझीका छोरा सन्दीप पनि पक्राउ परेका छन्। टोपबहादुरलाई म्याद थपका लागि आजै अदालतमा उपस्थित गराइएको थियो।
