बाढीपीडितलाई राहत र उद्धार गर्न मधेस झरेका हास्य कलाकार धुर्मुस रोएको दृश्य पनि देखियो ।
लालबन्दीकी एक महिला रत्नदेवी माझी डेढमहिना अघिको आगलागि पीडित रहिछन्, उनको आधाशरीर कुहिसकेको देखेपछि र जीवन मरणको अवस्थामा देखेपछि उनको उद्धारमा जुटेका कलाकार सीताराम कट्टेल धुर्मुस बर्दिवास जनसेवा अस्पतालमै धरधरी रोएका हुन् ।
विज्ञापन (ADVERTISEMENT)
कलाकार त्यसै पनि भावुक हुन्छन्, उनको मुटु छियाछिया भयो र उनले आँसु रोक्न सकेनन् । धुर्मुस औषधि, राहत सामग्री, मेडिक टिमसहित सर्लाही पुगेर पानीमा हेलिदै धेरैलाई काँधमा बोकेर उद्धार गरिरहेका थिए ।
यही क्रममा उनले रत्नादेवी माझीको पनि उद्धार र उपचारको व्यवस्था मिलाएका हुन् । रत्नादेवीको अपरेशन नै गर्नुपर्ने भएपछि धुर्मुसले काठमाडौं लगेर उपचार गरिदिने व्यवस्था मिलाएका छन् । स्यावास धुर्मुस्, तिमीभित्रको मानवीयताका लागि ।न्यूज अभियान बाट
