दमक/झापाको महाभारा गाविसमा आज एकिकृत घुम्ति शिविर सम्पन्न भएको छ ।
शिविरमा जिल्लाका अधिकांश कार्यालयहरुको सेवा उपलव्ध गराईएको थियो । महाभाराको जनकल्याण निमाविमा भएको शिविरको झापा क्षेत्र नं. ६ का सांसद दिपक कार्की र झापाका प्रमुख जिल्ला अधिकारी उत्तरकुमार खत्रीले उद्घाटन गर्नुभयो । उद्घाटनका क्रममा उहाँहरुले स्थानीय एक एक जनालाई नागरिकता प्रदान गर्नुभएको थियो । झापाको पश्चिमी दक्षिणका गाविसहरु महाभारा, पाँचगाछी, टागनडुव्वा, शरणामति, कुमरखोद, शिवसताक्षी नगरपालिकाका दक्षिणी क्षेत्रका बासिन्दालाई लक्षित गरि शिविरको आयोजना गरिएको हो । शिविरमा जिल्लामा रहेका अधिकांश कार्यालयहरुले सेवा उपलव्ध गराएका थिए । शिविरमा किसानहरुका लागि लक्षित गरि बिभिन्न सेवा समेत उपलव्ध गराईएको थियो भने नागरिकता, मतदाता नामावाली संकलन, लगायका सेवा समेत दिईएको थियो ।
जिल्लाको पश्चिम दक्षिणी गाविस रहेको र सरकारी सेवा लिनका लागि सदरमुकाम सम्म जान समस्या रहेका कारण स्थानीय तहमानै सेवा उपलव्ध गराउन शिविरको आयोजना गरिएको प्रमुख जिल्ला अधिकारी खत्रीले बताउनुभयो । शिविरबाट झापाको दक्षिणी गाविसका बासिन्दाहरु लाभान्वित भएको महाभारा गाविसका पूर्व अध्यक्ष बिजयकुमार अग्रवालले बताउनुभयो ।