नयाँ दिल्ली, असोज ४ । भारतको मुम्बईबाट जयपुर जाँदै गरेको जेट एयरवेजको एउटा विमानमा अचानक यात्रीहरूको नाक र कानबाट रगत बग्न थालेपछि विमानलाई आकस्मिक अवतरण गरिएको थियो । विमानभित्र समस्या निकै बढेपछि यात्रुहरूलाई अक्सिजन मास्क लागाउनु परेको बताइएको छ । यात्रुहरूको उपचार भइरहेको र उनीहरूको अवस्था बिस्तारै सामान्य हुँदै गैरहेको बताइएको छ ।
प्राप्त समाचार अनुसार विमान उचाईमा पुगेपछि चालकदलका सदस्यहरूले एयर प्रेसर कम गर्न बिर्सिएका थिए, जसले गर्दा विमानमा सवार यात्रीहरूमा यस्तो समस्या देखिएको थियो ।
नीजी क्षेत्रको विमान कम्पनी जेट एयरवेजको ९-डब्ल्यु-६९७ विमान १६६ यात्रु बोकेर राजधानी दिल्लीबाट स्थानीय समय अनुसार ५:५३ मा उडेको थियो । ब भारतीय नागरिक उड्डयन प्राधिकरणका महानिर्देशकले उक्त विमानको चालकदलका सदस्यहरूलाई जिम्मेवारीमुक्त गरिएको छ ।
विमानसेवाले यस्तो गम्भीर मानवीय त्रुटी हुन गएकोमा माफी मागेको बताइएको छ ।
भारतीय वायुसेनाका एक अधिकारीले भएन नाम उल्लेख नगर्ने सर्तमा विमानहरूमा एयरप्रेसर नियन्त्रण स्वचालित हुने गर्दछ । उनले भने,”यो म्यानुअली नियन्त्रण गर्न सकिंदैन । यसको अर्थ यो मानवीय त्रुटी नभएर विमानको प्राविधिक समस्या हुनुपर्दछ ।”
उनी भन्छन्, “विमानहरू १० देखि ११ किलोमिटर माथि उड्ने गर्दछन् । यो उचाईमा हावाको छाप निकै कम हुने गर्दछ जसलाई विआंभित्र कृत्रिम रूपले नियन्त्रित गर्ने गरिन्छ । यदी हावाको चापलाई नियन्त्रण नगरिने हो भने शरीरभित्रको हावाको छाप वातावरणमा भन्दा कम हुने भएकाले नशाहरू फुट्ने र रक्तस्राव हुने गर्दछ ।
विमानले उचाई लिन थालेपछि यात्रुहरूमा यस्तो समस्या देखिएपछि उडानको ४५ मिनेटपछि विमानलाई मुम्बई एयरपोर्टमा नै आपतकालीन अवतरण गराइएको थियो ।
उक्त विमानका एक जना यात्रुले ट्विटरमा सेयर गरेको भिडियो…
Panic situation due to technical fault in @jetairways 9W 0697 going from Mumbai to Jaipur. Flt return back to Mumbai after 45 mts. All passengers are safe including me. pic.twitter.com/lnOaFbcaps
— Darshak Hathi (@DarshakHathi) September 20, 2018
प्रतिक्रिया
सम्बन्धित खवर
