दमक/दमकमा बिकासका ठूला सपना बाँडेको तर बिकासको काम केहि नभएको भनेर आलोचना भइरहेका बेला दमकका लागि नै ठूलो महत्व बोकेको बुद्धपूर्तिको बिस्तृत परियोजना बिवरण अर्थात डिपिआर सार्वजनिक भएको छ । यस अन्र्तगत ‘दमक बिराटन बुद्ध भिलेज’ को बिस्तृत बिवरण सार्वजनिक गरिएको छ । दमकमा यो अहिलेसम्मकै सबैभन्दा महत्व बोकेको योजनाको रुपमा हेरिदै आएको थियो ।
संसारकै अग्लो बुद्धमुर्ती सहितको पार्क निर्माणका लागि एउटा आधार तयार बन्दै गएको दमक नगरपालिकाका कार्यकारी अधिकृत युवराज दाहालले बताएकाछन् । बुद्धमूर्ति सहितको पार्कको बिस्तृत परियोजनाको बिषयमा भएको छलफल कार्यक्रममा उनले अब अब निर्माण प्रकृया शुरु हुने आधार तय बन्दै गएको जनाए ।
५ सय ४० फिटको बुद्ध मूर्ती र त्यसको आसपासमा पार्क रहनेछ । मल्टि डिसिप्लिनरी कन्सल्ट्याण्ट, डिजाईन कन्सल्ट्याण्ट र ए नट आर्टीटेक्चरले बिस्तृत परियोजना विवरण तयार पारेका हुन् । बुद्धमूर्तीको आधार ३ बिगाहभन्दा बढि जमिनमा फैलने छ । यो संगै बुद्ध भिलेज ३६ बिगाहामा रहने बताईएको छ । यसको लागत अनुमान १५ अरब भन्दा बढि रहेको छ । यसमा ६ अरब मुर्ति बनाउन लाग्नेछ ।
दमकमा बिश्वको अग्लो बुद्ध मूर्ति, औधोगिक पार्क, र भ्यू टावरलाई सबैभन्दा ठूलो महत्वको योजनाको रुपमा लिईएको छ । यसमा बुद्ध मूतिए निर्माणको काम भने अघि नबढेको भन्दै कतिपयले बिकासका ठूला योजना ल्याईएको तर कार्यन्वयन भने फिट्टो नभएको भन्दै आलोचना गर्दै आएका थिए ।
डिपिआर तयार भएपछि बजेटको अभाव नहुने र यो निर्माणको काम तिब्र गतिमा अघि बढ्ने बताईदै आएको छ । चीन सहित बिभिन्न देशका लगानीकर्ताहरु आएर बौद्धमूर्ति निर्माण स्थलको अवलोकन समेत गरिसकेकाछन् । यस क्षेत्रका साँसद, नेकपा एमालेका अध्यक्ष, पूर्व प्रधानमन्त्री केपी शर्मा ओलीले यो परियोजनालाई आफ्नो महत्वपूर्ण परियोजनाको रुपमा लिएको बताउदै आएकाछन् । —बिष्णुप्रसाद पोखरेल