दमक/झापाको दमक स्थित रतुवा खोला दमको फोहोर फ्याल्ने डम्पिङ साइडमात्र नभएर अहिले मरेका तथा असुरक्षित गर्भपतन गराएर नवजात शिशु फ्याक्ने स्थलको रुपमा देखिएको छ । त्यतिमात्र नभएर अस्पताल तथा क्लिनिकहरुले पोको पारेर सिरिन्ज लगायतका अस्पतालजन्य घातक सामाग्रिहरु पनि यहि फ्याकिनाले यसको प्रत्यक्ष मार स्थानीय र किसानले भोगिरहेकाछन् ।
बर्षाद्को समयमा पानी परेपछि उक्त सामाग्रिहरुको किसानको खेतखेतमा पुगेर जोत्दा र रोप्दा घाँउ नै घाउ बनाएर किसान खेत बाहिर निस्कनु पर्ने अवस्थामात्र छैन नवजात शिशुहरुको सढेको शरिर तथा अस्थिपञ्जर देखेर कतिपय महिलाहरु कयौ रात सुत्न सक्दैनन् । दमक १३, १८, १९ लगायतका रतुवा खोला आसपासका किसानहरुको यो समस्या हो ।
स्थानीय डिल्लिराम न्यौपानेका अनुसार खेतमा सिरिन्ज र अस्पतालजन्य नसड्ने फोहोरहरु खेतमा भेटिन्छ । यसले आफूहरुलाई बर्षौदेखि हैरान बनाएको र बारम्बार यस बिषयमा सम्बन्धित निकायहरुको ध्यानकर्षण गराउदा पनि सुनुवाइ भएको छैन । खेतमा नयाँ मान्छे आउदा सिरिन्ज नै फलेजस्तो अवस्था देखिने गरेको समेत उनको भनाई रहेको छ । अस्पताल र क्लिनिकले रतुवा आसपासका खेतबारीहरुलाई सिरिन्ज फल्ने खेत बनाए पनि न नगरपालिकाको ध्यान गएको छ नत अन्य कुनै निकायको भनेर पीडितहरु गुनासो गर्छन् ।
दमक १२ का सामाजिक अगुवा श्याम कार्कीका अनुसार सुकुम्बासी बस्ति नजिक खोलामा फोहोर फ्याकिनेृ र यहाँ सिनोले गन्याएर बसिनसक्नु हुने बताउछन् । नवजात शिशुका मृत शरिर कहिलेकाहि कुकुरले टोक्दै गाँउमा ल्याएका घटनासम्म देखेको भन्दै यस्तो कार्य रोक्न बारम्बार पहल गरेको उनि सुनाउछन् ।