शुक्रबार बिद्यार्थीहरुले दमकमा यातायात मजदूर कुटेर घाइते बनाएको भन्दै यातायात मजदूरहरुले शनिबार अपारान्ह एकघण्टाभन्दा बढि पूर्व पश्चिम राजमार्ग अन्र्तगतको दमक खण्डा यातायात बन्द गराएर बिरोध जनाएका छन् । अघिल्लो दिन बिद्यार्थीहरु आक्रोशित रहेकोमा शनिबार यातायात मजदूरहरु आक्रोशित भएका थिए ।
बिद्यार्थीहरुलाइ क्याम्पस आउने क्रममा यातायात मजदूरबाट दूब्र्यवहार भएको भन्दै यातायात बन्द गराउने क्रममा शुक्रबार दमकको क्याम्पसमोड भएको तोडफोडमा सवारी चालक कृष्ण न्यौपाने घाइते भएका थिए । उनको खुट्टा भाचिएको र हाल बिपि काइराला स्वास्थ्य बिज्ञान प्रतिष्ठानमा उचार भइरहेको बताईएको छ ।
यातायात मजदूरले गाडि तेस्र्याएर बन्द गराएपछि प्रहरीलाई सडक शुचारु गर्न निक्कै हम्मेहम्मे भएको थियो । आक्रोतिश यातायात ब्यवसायिले उपचारको ग्यारेन्टि, सवारी चालकलाई कुट्नेले माफी माग्नु पर्ने लगायतका माग अघि सारेपछि केहिबेर तनाव समेत भएको थियो ।
सडक शुचारु गर्नका लागि इलाका प्रहरी कार्यालय दमकमा भएको छलफलमा स्थानीय बिभिन्न राजनीतिक दलहरुले घटनाको बिषयमा दुख ब्यक्त गर्दै उपचारको ग्यारेन्टि गर्ने प्रतिबद्धता जनाएपछि यातायात खुलेको थियो । नेपाली काँग्रेसका, नेकपा एमाले र माओबादी केन्द्रका स्थानीय नेताहरुले उपचारको ग्यारेन्टि गरेका हुन् ।
क्याम्पस आउने बिद्यार्थीहरुलाइ बसले नरोक्ने र चढन खोज्दा घच्ढने तथा दूब्र्यवहार गर्ने गरेको भन्दै बिद्यार्थीहरु आक्रोशित हुदा तनाव भएको हो । शुक्रबार आक्रोशित विद्यार्थीहरुले तीनवटा गाडी सवारी साधन तोडफोड गरेका थिए । विद्यार्थीहरुले मे १ च ३९५१ र मे १ च १७३८ नम्बरको मिनी ट्रक र को १ ख ४०८८ नम्बरको बसमा तोडफोड गरेकाहुन् ।