हरिबंशले दमकमा शुरुमा दर्शक रुवाए र त्यसपछि हसाएर गए (हेर्नुहोस भिडियो)

चर्चित हास्य कलाकार तथा साहित्यकार हरिबंश आचार्य झापाको दमक स्थित दमक पब्लिक लाइब्रेरीमा बिहान आएर पठन सस्कृतीको बिकास बढ्दै जाँदा साहित्य क्षेत्र पनि ब्यवसायिक बन्दै गएको बताएकाछन् ।

उनले आफ्नो कृति चिना हराएको मान्छे र हरीबहादुरको बिषयमा समेत जानकारी गराएका थिए । त्यो जानकारी गराउदा सहभागिहरु रुन नै खाजेका थिए । भावुक बनेका थिए ।

उनले आफ्ना बिगतका दिन सम्झैदै आँखाभरी आँशु पनि पारे । उनले आफ्नो करिब ४५ मिनेटको मन्तब्य पछि हरीबहादुरको पात्रमा आधारित रहेर एउटा हास्य प्रस्तुती पनि दिए ।

पब्लिक लाइब्रेरीमा भावुक भएर हरिबंश आचार्यको कथा ब्यथा सुनेकाहरु उक्त प्रस्तुतीले मज्जाले हाँसे । कार्यक्रम दमक पब्लिक लाइब्रेरीका अध्यक्ष भेषराज न्यौपानेको अध्यक्षतामा भएको थियो ।