दमक, २५ पुष–आख्यानकार श्याम सिंघकको औपन्यासिक कृति ‘रेमिटल्याण्ड’ प्रकाशनको अन्तिम तयारीमा पुगेको छ । फिनिक्स वुक्स काठमाण्डौद्धारा प्रकाशन हुन लागेको सो उपन्यासको कभर सार्वजनिक भएको छ । माघ पहिलो सातासम्म बजारमा आईपुग्ने ‘रेमिटल्याण्ड’ उपन्यासका लेखक सिंघकले जानकारी दिएका छन् । ‘रेमिटल्याण्ड’ उपन्यास नेपाली समाजको आर्थिक–सामाजिक बदलाबले उत्पन्न गरेको जीवन र मनोदशाको शब्दचित्रण गरिएको छ । लेखकले पूँजीवादी दुनियाँको असर वापत हाम्रो गुजारामुखी खेतीले आवश्यत्ता पूर्ति गर्न नसकेर रोजगारीको लागि देश–दुनियाँ चाहार्ने युवा पुस्ताका जीवन भोगाईलाई शब्दचित्रण गर्न खोजेका छन् । त्यस्तै घर–परिवार, आफन्त र प्रेमिल यादहरु वोकेर देश–दुनियाँमा जीवन व्यथित गरिरहेका युवाहरुको कार्यव्यापारको कारण भत्कन्दै गरेको हिजोको समाज र र पुर्नगठन हुदै गरेको आजको समाजको गतिविधिहरुलाई ‘रेमिटल्याण्ड’ भित्र देखाउँन खोजेका छन् । तेह्रथुम जलजले घर भएका उपन्यासकार सिंघक पेशाले पुर्वी नेपाल खाद्यय सुरक्षा कार्यक्रम अन्र्तगत दमकमा कार्यरत छन् । उनको यो दोस्रो कृति हो । यसअघि २०५६ सालमा उनको ‘दलिता’ उपन्यास प्रकाशन भएको छ ।