एजेन्सी /  ताइवानको संसदले एक ऐतिहासिक निर्णय गरेको छ । ताइवान एशियाको पहिलो यस्तो देश बनेको छ जहाँ समलिङ्गी विवाह अब गैह्रकानूनी रहेन ।

शुक्रबार संसदमा यो विधेयकका लागि मतदान भयो । त्यसपछि संसदले यस्तो निर्णय लिएको हो ।सन् २०१७ मा द्वीपको संवैधानिक अदालतले समलिङ्गी जोडीलाई विवाह गर्न अनुमती नदिनु संविधानको उल्लंघन भएको बताएको थियो ।संसदलाई दुई वर्षको समय दिइएको थियो र २४ मेसम्म यो कानूनलाई पारित गर्ने समय थियो ।

यो क्रममा तीन विभिन्न विधेयकमा चर्चा गरियो जसमध्ये सर्वाधिक प्रगातिशील मानिने सरकारी विधेयकलाई मञ्जुरी दिइयो ।यो निर्णयको प्रतिक्षामा राजधानी ताइपेमा वर्षाका बावजूद संसद बाहिर समलिङ्गी अधिकारका हज्जारौं समर्थक जुटिरहे ।

यो निर्णय आएलगत्तै संसदले समलिङ्गी विवाहसँग जोडिएको विधेयकलाई मंजुरी दिएको छ । उनीहरु खुसीले उफ्रिए र भावुक भएर एक–अर्कालाई अँगालो हाले ।

यद्यपी, रुढिवादी विपक्षी यो निर्णयबाट रिसाएका थिए ।

बिलमा के छ ?

रुढिवादी सांसदद्वारा प्रस्तुत गरिएका दुई अन्य विधेयकमा विवाहको साटो सेम सेक्स फ्यामिली रिलेशनशिप वा सेम सेक्स युनियनको उल्लेख गरिएको थियो ।

तर धर्मपुत्र–पुत्रीका लागि सिमित अधिकार दिने एकमात्र सरकारी विधेयक संसदमा बहुसंख्यक डेमोक्रेटिक प्रोगेसिभ पार्टीका सांसदको समर्थनको साटो ६६–२ भोटसहित पारित गरेको थियो ।

अब ताइवानका राष्ट्रपति साइ इंग–वेनको मुहरपछि यो कानूनको रुपमा प्रभावकारी हुनेछ ।

यसमा मतदानअघि थुप्रै समलिङ्गी कार्यकर्ताले उनीहरु यो विधेयकलाई मात्र स्विकार गर्ने बताएका थिए ।

https://www.facebook.com/hoo.jcai/photos/a.391763700946472/2080196485436510/?type=3

ताइवानको ‘म्यारिज इक्वालिटी कोअलिशन अधिकार समूह’ की मुख्य संयोजक जेनिफर लूले बीबीसीलाई भने, ‘यो पूर्ण रुपमा विवाहको अधिकार होइन । हामी एक विदेशी र ताइवानी नागरिकबीच समलैंगिक विवाह र मिान शिक्षाको लैंगिक अधिकारको विषयमा अहिले स्पष्ट छैन । यो निकै महत्वपूर्ण पल हो तर हामी आफ्नो लडाईं जारी राख्नेछौं । हामी आफ्नो भविष्यका लागि यो महत्वपूर्ण अधिकार चाहन्छौं ।’

ताइवानका गायक जोलिन साइले फेसबुकमा एक तस्बिर पोष्ट गरेर आफ्नो खुसी व्यक्त गर्दै लेखे, ‘बधाई छ । हामी सबै यो खुसीका पात्र हौं ।’