एजेन्सी/भारतीय कांग्रेस नेताले मञ्चमा भाषणको क्रममा ‘प्रियंका चोपरा जिन्दावाद’ भनेपछि बलिउडमा यसले चर्चा पाएको छ ।
भारतीय कांग्रेस नेता सुरेन्दर केआरले भाषणका क्रममा प्रियंका गान्धी जिन्दावाद, राहुल गान्धी जिन्दावाद, प्रियंका चोपरा जिन्दावादको नारा लगाएका थिए ।
उनले प्रियंका गान्धीको साटो प्रियंका चोपरा जिन्दावाद भनेपछि यसले सबैको ध्यान खिचेको छ ।
उनको एक भिडियो सार्वजनिक भएको छ, जुन भिडियोमा उनले, प्रियंका गान्धी जिन्दावाद, राहुल गान्धी जिन्दावाद, प्रियंका चोपरा जिन्दावादको नारा लाएका छन् । उनले प्रियंका चोपरा जिन्दावाद भनेपछि नजिकैका अर्का नेताले उनलाई गल्ती भएको भन्दै सम्झाउन लागेको भिडियोमा देखिन्छ ।
सामाजिक सञ्जालहरूमा अहिले यो भिडियो भाइरल भइरहेको छ । ट्वीटर प्रयोगकर्ताहरूले प्रियंका चोपरा कहिले कांग्रेसमा गइछिन् भनेर प्रश्न समेत गरेका छन्।
#WATCH Delhi: Slogan of “Sonia Gandhi zindabad! Congress party zindabad! Rahul Gandhi zindabad! Priyanka Chopra zindabad!” (instead of Priyanka Gandhi Vadra) mistakenly raised by Congress’ Surender Kr at a public rally. Delhi Congress chief Subhash Chopra was also present.(01.12) pic.twitter.com/ddFDuZDTwH
— ANI (@ANI) 1 December 2019
