शरीर विज्ञान पढाउने एक शिक्षिका भेरोनिका डुकले आफ्ना विद्यार्थीहरूले सजिलै बुझून् भनेर आन्तरिक अंगहरू देखाउने कपडा लगाएर कक्षा लिएकी छन् ।
विगत १५ वर्षदेखि शिक्षण पेशामा रहेकी डुकले विद्यार्थीहरूलाई शरीरका आन्तरिक अंग बुझ्न गाह्रो परेको थाहा पाएपछि अंग देखाउने वस्त्र लगाएकी थिइन् ।
शिक्षिकाका पतिले ट्विटरमा आफ्नी पत्नीको तस्वीर पोस्ट गर्दै आठ वर्षका बालबालिकालाई पाठ बुझाउनका लागि उनले गरेको प्रयास राम्रो भएको बताए ।
उनको पोस्टमा ६५ हजारभन्दा बढी लाइक र १३ हजारभन्दा बढी रिट्वीट आयो । एकजना ट्वीटेले लेखे, ‘महान् । दर्शनीय । गजब । विद्यार्थीहरूले यो पाठ जिन्दगीभरि भुल्ने छैनन् ।’
अर्काले लेखे, ‘विद्यार्थीहरूलाई बुझाउनका लागि त्यस्तो इच्छा राख्ने थप शिक्षक आवश्यक छन् ।’
भेरोनिका डुक विज्ञान, कला, अंग्रेजी र स्पेनिस पढाउँछिन् । उनले अन्लाइनमा उक्त वस्त्र भेटेको र त्यो लगाउनु ठीक हुने ठानेको बताइन् ।
भेरोनिकाले आफ्ना विद्यार्थीहरूलाई अन्य तरिका अपनाएर पनि आश्चर्यमा पार्ने गरेकी छन् । उनले इतिहास पढाउँदा ऐतिहासिक पात्रको भेषभूषा धर्ने गरेकी छन् ।लोकान्तर
