उत्तम रिजाल,झापा। दुइपटक सम्म र्यापीड टेष्टमा नेगेटिभ देखिएका झापाको कमल गाँउपालिकाका एक जनामा पिसिआर टेष्टमा कोरोना भाइरस पोजेटिभ देखिएको छ । उनी १८ वर्षिय पुरुष हुन् । उनी कमल गाउँपालिकाको वडा नम्बर १ बाँसबारीका हुन् । उनी गत जेठ १४ गते भारतको जोगवनी नाका हुदै नेपाल आएका थिए ।
उनी भारतको जोगवनी र विराटनगरमा पनि क्वारेन्टाइनमा बसेका थिए । दुबै ठाउँमा गरिएको र्यापिड टेष्टको रिपोर्ट नेगेटिभ आएको थियो । उनी विराटनगर ३ दिन बसेको र र्यापिड टेष्ट नेगेटिभ आएपछि उनलाइ प्रदेश सरकारको स्वास्थ्य शाखाले सिधै कमल गाउँपालिका पठाएको थियो ।
उनलाई गाउँपालिकाले शहिद धर्मभक्त माविको क्वारेन्टाइनमा राखेको र भोलिपल्ट पिसिआर टेष्टगर्न पठाउँदा रिपोर्ट पोजेटिभ आएको कमल गाउँपालिका वडा नम्बर १ का वडा अध्यक्ष केदार कट्वालले सवाल नेपाललाई जानकारी दिनु भयो ।
३२ जनाको पिसिआर टेष्टका लागि पठाइएकोमा उनको मात्र पोजेटिभ आएको र आत्तिनु पर्ने अबश्या नरहेको कट्वालले बताउनु भयो । कट्वालले उनीसँगै गौरादह नगरपालिका लगायत अन्य गाउँपालिकाका मानिसहरुलाई पनि प्रदेश सरकारले पठाएकाले प्रदेश सरकारले उनीहरुको खोजीगरी तत्काल त्यो ठाउँलाई सिल गरी सबैको पिसिआर टेष्ट गर्न माग समेत गर्नुभएको छ ।
