पोखराका कोरोना एक सङ्क्रमितको मृत्यु भएको छ। मृत्यु हुनेमा पोखरा महानगरपालिका–८ का ७२ वर्षीय पुरुष छन्। मुटु, मधुमेह, रक्तचाप र निमोनियाको समस्या भई यही वैशाख ५ गते पुरानो मेडिकल कलेजमा भर्ना भएका उनको उपचारका क्रममा मृत्यु भएको अस्पतालले जनाएको छ।
त्यस्तै अछामको साँफेबगर नगरपालिका–६ भागेश्वरका ६५ वर्षीय एक पुरुषको कारोना भाइरसबाट आज बिहान मृत्यु भएको छ। सुदूरपश्चिम प्रदेश स्वास्थ्य निर्देशनालय दिपायल राजपुरका अनुसार भारतबाट रोजगारी गरी हालै घर फर्किएका ती पुरुषको जिल्ला अस्पताल मङ्गलसेनमा उपचारका क्रममा मृत्यु भएको हो।
-नेपाल न्युज बाट
