काठमाडौ । भक्तपुरमा रातिको समयमा चार तले घरबाट १५ वर्षकी युवती खसेकी छन् । उनको उपचारका क्रममा अस्पतालमा निधन भएको छ । भक्तपुर नगरपालिका वडा नम्बर १० कमलविनायक बस्ने हरिनारायण सितिखुकी १५ वर्षीया छोरी सुनेनाको मृ’त्यु भएको हो । उनी रातिको समयमा घरको चार तलाबाट खसेको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिए। परिवारका सदस्यले उनलाई भोलीपल्ट विहान मात्र देखेका थिए । शुक्रवार बिहान सवा ६ बजे उनी घाइते अवस्थामा फेला परे पछि अस्पताल लगिएको थियो । बुवा हरिनारायणले छोरीलाई घाइते अवस्थामा देखेपछि अस्पताल लगेको बताएका छन् ।
उनलाई तत्कालै उपचारको लागि भक्तपुर अस्पताल लगिएको थियो। त्यहाँ उपचारको क्रममा साढे ६ बजे मृ’त्यु भएको प्रहरी नायब उपरीक्षक पाण्डेले बताए। किशोरी ९ कक्षामा अध्ययनरत विद्यार्थी हुन्। किशोरी रातिकै समयमा किन माथि गइन् र कसरी खसिन् भन्ने कुराको अनुसन्धान प्रहरीले सुरु गरेको छ । घटनास्थलमा अनुसन्धान अधिकृतसहितको टोली खटिएको प्रहरीले बताएको छ। प्रहरीले थप अनुसन्धान अघि बढाएको बताएको छ।
