सहिद स्मारक ‘ए’ डिभिजन लिग फुटबलअन्तर्गत आज दुई खेल हुँदैछन्। दुइटै खेल त्रिपुरेश्वरस्थित दशरथ रंगशालामा हुनेछन्।
सातौं चरणको खेलअन्तर्गत आज पहिलो स्पर्धामा विभागीय प्रतिद्वन्द्वी एपीएफ फुटबल क्लब र त्रिभुवन आर्मी फुटबल क्लब भिड्नेछन्। उक्त खेल दिउँसो १ बजे हुनेछ। लिग तालिकामा आर्मी ६ खेलमा १० अंक जोडेर चौथो स्थानमा छ। एपीएफ ६ खेलमा ५ अंक जोडेर ११औँ स्थानमा रहेको छ।
साँझ पौने ५ बजे हुने दोस्रो खेलमा फ्रेन्ड्स क्लब र न्युरोड टिम एनआरटी आमनेसामने हुनेछन्। फ्रेन्ड्स लिग तालिकाको पुछारमा रहेको छ। जसअनुसार फ्रेन्ड्स रेलिगेशन जोनमा रहेको छ। फ्रेन्ड्सले ६ खेलबाट ३ अंक जोडेको छ। एनआरटीले ६ खेलमा ७ अंक जोडेको छ।
जारी लिगमा मछिन्द्र क्लव शीर्ष स्थानमा रहँदा मनाङ मर्स्याङदी दोस्रो स्थानमा रहेको छ।