एजेन्सी । बलिउड अभिनेत्री अनुष्का शर्माको अभिनय प्रतिभाको बारेमा सबैलाई थाहा छ । उनले आफ्नो हरेक फिल्मका हरेक पात्र निकै राम्रोसंग सबैको मनमा उतार्छिन । अब उनको अर्को प्रतिभा बाहिर आएको छ । उनको नयाँ भिडियोमा अनुष्का शर्मा पेन्टिङमा हात हाल्दै देखिएकी छिन् । तर, पेन्टिङ बनाउँदा अनुष्कालाई पनि नतिजा के हुने हो थाहा थिएन । उनले आफ्नो इन्स्टाग्राम अकाउन्टबाट यो भिडियो सेयर गरेकी छन्।

जसलाई हेरेपछि प्रयोगकर्ताहरुले निकै रमाइलो प्रतिक्रिया दिइरहेका छन् ।अनुष्काले सेयर गरेको भिडियोमा अनुष्का क्यानभासमा पेन्टिङ गर्दै एकपछि अर्को रंग प्रयोग गरिरहेको देख्न सकिन्छ । यो भिडियो सेयर गर्दै उनले विशेष क्याप्सनमा लेखेकी छन्, ‘जब उनीहरूले तपाईंलाई सेटको भित्तामा रंग लगाउन दिन्छन् र तपाईंले मास्टर पीस छोड्नुहुन्छ, (जुरी बहसको लागि बाहिर छ) अनुष्काको पेन्टिङ पूरा भएपछि आएको नतिजा देखेपछि उनले प्रयोगकर्ताबाट निकै रमाइला प्रतिकृया आएका छन् ।

भिडियोमा देख्न सकिन्छ कि पेन्टिङ पूरा भएपछि, अन्तिममा अनुष्काको पेन्टिङको नतिजा धेरै रंगको मिक्स म्याच मात्र थियो र त्यसपछि भिडियोमा भित्तामा पहेँलो मुस्कुराउने इमोजी र प्याकअप लेखिएको देखिन्छ। अनुष्काको पेन्टिङ हेरेपछि एक प्रयोगकर्ताले फिल्म वेलकममा अनिल कपूरको क्यारेक्टर जोडेर लेखे, ‘मजनू भाईलाई प्रतिस्पर्धा भयो’।

त्यस्तै अर्का एक प्रयोगकर्ताले लेखेका छन्, ‘वाह वाह क्या मास्टरपिस यो मजनु भाइको मास्टरपिसभन्दा सुन्दर छ’ ।वर्कफ्रन्टको कुरा गर्ने हो भने अभिनेत्री अनुष्का शर्मा आफ्नो नयाँ फिल्म ‘चकडा एक्सप्रेस’ बाट बलिउडमा कमब्याक गर्न तयार छिन् । उनी छिट्टै भारतीय क्रिकेटर झुलन गोस्वामीको बायोपिकमा देखिनेछिन् ।