सांसद् खिमलाल देवकोटाले समानुपातिक निर्वाचन प्रणाली खारेज गर्नुपर्ने प्रस्ताव गरेका छन् ।
राष्ट्रियसभा बैठकमा बोल्दै सांसद् देवकोटाले समानुपातिक निर्वाचन प्रणाली खारेज गरी प्रतिनिधिसभा र प्रदेशसभा सदस्य संख्या घटाउन प्रस्ताव गरेका हुन् ।
देवकोटाले भने,‘समानुपातिक निर्वाचन प्रणाली खारेज गरौं । प्रतिनिधिसभा र प्रदेशसभा सदस्य घटाऔं । प्रतिनिधिसभा सदस्य र प्रदेशसभा सदस्य संख्या क्रमशः १६५ र १३५ सदस्यीय बनाऔं । संवैधानिक निकायमा राजनीतिक नियुक्ति बन्द गरौं ।’
नागरिकका गुनासा सम्बोधन हुने संयन्त्र बनाउनुपर्ने उनको माग छ। प्रधानमन्त्रीको कार्यकाल दुई पटक,सांसद् वा मन्त्री तीन पटक र दलको नेतृत्व दुई कार्यकालभन्दा धेरै नहुने व्यवस्था गर्नुपर्ने उनको सुझाव छ।
