काठमाडौं, ३१ भदौ । प्रधानमन्त्री प्रचण्ड र भारतीय प्रधानमन्त्री नरेन्द्र माेदीबीचको वार्ता र प्रतिनिधि मण्डलबीचको वार्ता पछि संयुक्त पत्रकार सम्मेलन सकिएको छ ।
संयुक्त पत्रकार सम्मेलनमा दुवै देशका प्रधानमन्त्रीले सम्बोधन गरेका छन् । पत्रकार सम्मेलनमा भारतीय प्रधानमन्त्री नरेन्द्र मोदीले सवै पक्षको भावना समेट्दै नयाँ संविधान कार्यान्वयन गर्न नेपाल सफल हुने विश्वास व्यक्त गरेका छन् ।
उनले नेपालमा शान्ति, स्थिरता र विकास होस् भन्ने भारतले चाहेको भन्दै उनले नेपालको विकासमा सहयोग गर्न भारत सदैव तयार रहेको बताए । उनले अहिले प्रक्रियामा रहेका आयोजनाहरुलाई छिट्टो सम्पन्न गर्न समेत आफू र प्रचण्ड सहमत भएको बताए ।
साथै प्रधानमन्त्री प्रचण्डले भारत नेपाल असल छिमेकी रहेको बताउँदै छिमेकीको सम्बन्ध अझै प्रगाढ भएको बताए ।
पत्रकार सम्मेलनमा प्रधानमन्त्री प्रचण्डले भारतीय प्रधानमन्त्री नरेन्द्र मोदी र राष्ट्रपति प्रणव मुखर्जीलाई निकट भविस्यमा नेपाल भ्रमणको निम्ता दिए ।
हेर्नुहाेस् सम्बाेधनकाे पूरा अंश ः
प्रतिक्रिया
सम्बन्धित खवर
