बिहान ११ बजे खाना खाइवरी पोखराको पृथ्बीचोक स्थित एक होटेल धनीले होटल सरसफाई गर्दै थिए । त्यतिकैमा बाबुछोरी जस्तै देखिने दुईजना भित्र छिरे । झन्डै ५० वर्षका जस्ता देखिने पुरुषले छोरी जस्ती देखिने युवति लिएर कोठाको माग गरे। होटल धनिले सकसक मान्दै कोठा देखाइदिए ।
हाफ जाङ्गे, चुच्चे टोपी, टिसर्ट र जुत्तामा सजिएका पुरुष। लेगिङस र टिसर्ट लगाएकी, कानमा ईयरफोन ठोसेकी ती युवतीलाई पुरुषले ‘भाञ्जी’ भन्दै बोलाए । मामाले बोलाएपछि केही नबोलि उनकै पछि लागेर दुवै जना कोठामा पसे । कोठा देखाउनु अघि होटल धनिले ग्राहक रजिस्टरमा नाम लेख्न लगाए । ती पुरुषले ‘जीतबहादुर थापा’ नाम लेखे, तर ठेगाना भने लेखेनन् । करिब दुई घण्टा कोठामा बिताएपछि उनीहरु निस्किए । होटल धनि कोठाभित्र छिर्दा उनले कन्डम डस्टविन बाहिरै फालिएको भेट्टाए । प्रयोग गरि फालिएका कन्डमले पुष्टी गर्थ्यो, ती दुईले यौनलिला सकेर निस्किएका थिए ।
साँझको ६ बज्न लाग्दै थियो लेकसाइडको एक होटलमा बाबु छोरी जस्तै देखिने एक जोडीभित्र छिरे । होटल मालिक्नी मात्र थिइन् । होटल मालिकनी त्यतिखेर चकित परिन् जब बाबुछोरी जस्तै देखिने उनीहरु मध्ये ती अधबैंशले केही समयको लागि कोठा भन्दै थिए । एकछिन त होटल मालिकनी हेरेको हेर्यै भईन् तर के गर्नु अफ सिजनको समय होटलको भाडा त तिर्नु नै थियो । उनले केही नबोलि ‘२०५’ नम्बर कोठाको चाबी थमाइदीइन् र रजिष्टरमा नाम लेख्न लगाइन ती पुरुषले आफ्नो नाम लेखे र भान्जी यता भन्दै रु ८ सय काउन्टरमा बुझाएर कोठा तीर लागे ।
पछिल्लो समय पोखरामा अधैंबैशे उमेरका ब्याक्तिले आफ्नो यौनप्यास मेटाउन अपनाउने नयाँ आइडिया हो यो । आफ्नो सेक्स भोक मेट्नलाई केसम्म गर्छन् भन्ने सानो उदाहरण हो यो । त्यसो त आजभोली पोखरामा भर्खरका युवतिले बाबु समान र युवाले आमा समानका उमेर देखिनेहरुसँग सेक्समा रमाउन थालेका छन् । समाजको आगाडि पवित्र साइनोलाई सम्बोधन गर्दै भित्रभित्रै अनैतिक क्रियाकलापमा लिप्त हुनेको संख्या बढ्दैछ पोखरामा । प्राय त्यस्ता जोडीहरुले मामा, भाञ्जी, अन्टी, अंकल, सम्बोधन गर्दै अनुचीत कार्यमा संग्लन भएको पाइएको छ ।
युवाको प्रेममा परेर अन्धा हुने धेरै युवती छन् । तर, सेक्स र पैसाकै लागि भर्खरकी युवती ‘मामा’ भन्दै पाका उमेरका पुरुषसँग अंगालोमा बेरिन्छन् । युवतीहरुको आँखा पनि वैशालु उमेरका युवातिर नभई उमेर ढल्केका पुरुषहरुमा पर्न थालेको छ । आफ्नो स्वार्थ पूर्ति गर्न उनीहरुले पवित्र साइनो ‘मामा भाञ्जी’ को दुरुपयोग गरिरहेका छन् । १७ नकटेका युबतिले दाह्री जुंगा फुलेका पुरुषलाई आँखा लगाउने चलन पोखरामा ह्वात्तै बढेको छ । यस्ता महिला र पुरुषले समाजलाई विकृतिको बाटोतिर त डोर्याइरहेका छन् नै उनीहरुले सम्बोधन गर्ने यस्ता साइनोले नजिकको नाता साइनोमा समेत लज्जा र अरुको नजरमा प्रश्न चिन्ह खडा गरेका छन् ।
त्यसो त बेरोजगार युवायुवतीलाई आफ्नो आवश्यकता पूरा गर्न मुस्किल छ शहरमा । साथीभाइसंग घुमघाम गर्नैपर्यो । चलनचल्ती अनुसारको कपडा लगाउनै पर्यो । अनी कहिलेकांही क्याफे र फिल्म हल धाउने तथा महँगा मोबाइलमा सेल्फी खिच्ने रहर त छँदैछ । यी यस्तै आवश्यकता र महत्वकांक्षा पूर्ति गर्न पैसाको जोहो गर्ने ध्याउन्नमा पोखरामा युवायुवतिले यस्तो उपाय रोज्ने गरेका हुन् । ‘व्यापार गर्न बसेपछि कोठा दिनैपर्यो तर त्यस्ता जोडी देख्दा आफैलाई आत्मग्लानी भएर आउछ । पृथ्बीचोकका एक व्यवसायी खिन्नता व्यक्त गर्छन् । उनी भन्छन् ‘मामा भाञ्जी भन्दै आउँछन् अरुका आँखा छल्न यस्तो साइनो पो प्रयोग गरिएको रहेछ ।’
युवाले आफूभन्दा दोब्बर उमेरका महिलालाई गर्लफ्रेण्ड र युवतिले पनि आफ्नो दोब्बर बढी उमेरका पुरुषलाई ब्वाइफ्रेन्ड बानाउने जोडी बग्रेल्ति छन् पोखरामा । भर्खरकी युवतिको अंगालोमा बेरिन पाएपछि ४५ कटेका पुरुषका गोजीबाट पैसा झर्न बेरै लाग्दैन । बाबुसमानको ब्याक्तिलाई अंगालोमा बेर्नु रहर वा बाध्यताभन्दा आवश्यकता पूरा गर्ने माध्यम बनेको छ त्यस्ता सम्बन्धमा रमाउने युवायुवतिलाई । प्लस टु पढ्दै गरेकी सपना कार्कीका ‘मामाहरु पनि कम छैनन् । आफ्ना आवश्यकता पूरा गर्न उनले पाका उमेरका पुरुषलाई ‘मामा’ भन्दै ब्वाईफ्रेन्ड बनाउनु परेको हो । ‘आफ्नै उमेरका केटाको जब नि हुँदैन, पैसा नि हुन्न’ १८ बर्षीया सपना भन्छिन् ‘ ‘हल्का गफ दिने र अंगालोमा बेरिने बित्तिकै बुढाहरुबाट पैसा झरिहाल्छ ।’ बुढाहरुसँग सम्बन्ध राख्दा आफु सुरक्षीत भएको दाबी गर्ने सपनाले बुद्दचोक बस्ने एकजना अधबैंशेलाई आफ्नो प्रेम जालमा पारेकी छिन् । गलत नम्बर परेर उनको मोबाइलमा फोन आएपछि चिनजान भएका उनका मामा उनीभन्दा झन्डै २० वर्ष जेठा हुन् ।
सजिलैसँग अर्थोपार्जन हुने भएकाले बाबु समानका पुरुषलाई पनि प्रेमी बनाउन पछि हट्दैनन् युवतीहरु । समाज र अरुको आँखा छल्न उनीहरु मामा र अंकल साइनो लगाउँछन् । सामान्यतया खल्तीमा पैसा हुन्जेल अडिने युवतीको माया पैसा घट्नासाथ अर्को मामाको खोजि गर्न थाल्छन् । भारतीय भूपू सैनिक बमबहादुर गुरुङका भाञ्जीहरु टन्नै छन् । भर्खरकी युवतिलाई अंगालोमा कस्न बानी परेका उनी थरिथरीका केटीसँग संगत गर्छन् । तीन वटा बिहे गरिसकेका उनी युवा झै ठाँटिएर पल्सर बाइक चढ्छन् । हप्तादिनसम्म एउटीसँग लसपसिएका उनी दश-पन्ध्र दिनपछि अर्कैसँग घुमफिर गर्छन् । ‘तरुनी खेति गर्दागर्दै आफ्नै घरबार बिगारीसक्यो । पैसा छँदैछ, पैसा भएपछि भर्खरका केटी पनि लुसुक्क परेर पछि लाग्छन्’ ’ बूढोका दिन यसरी नै जाने भए ।’ उनकै एक छिमेकी गुनासो गर्छन् ।
(प्रस्तुत रिपोर्टमा समावेश व्यक्तिका नाम परिवर्तन गरिएका हुन् ।)
