आज विहान अफगानस्थानको राजधानी काबुलमा भएकाे घटनामा घाइते भएका पाँच जना नेपालीले आफ्नो परिचय खुलाउन नचाहेको परराष्ट्र मन्त्रालयले जनाएको छ । परराष्ट्र मन्त्रालयका प्रवक्ता भरतराज पौडेलले पाँच जना नेपाली घाइते भएको पुष्टि गर्दै उनीहरुले आफ्नो नाम खुलाउन नचाहेको बताए ।
सामान्यतया अफगानस्थानमा रहेका नेपालीले परिचय खुलाउन नचाहाने उनले बताए । अघिल्लो वर्ष १२ जना नेपालीको ज्यान जाने गरि भएको दुर्घटना पछि सरकारले अफगानस्थान जान रोक लगाएको छ ।
पौडेलले पाँच जना नेपाली घाइते भएको र उनीहरुको अवस्था सामान्य भएको बताए । चार नेपालीको अवस्था अत्यन्तै सामान्य छ भने अर्को एक जना चाहिँ सामान्य भन्दा केही बढि घाइते भएको उनले बताए ।
उनका अनुसार घाइतेहरुको नेपालमा रहेका परिवारसँग सम्पर्क भइसकेको छ ।
