काठमाडौँ,आईसीसी विश्वकप क्रिकेट लिग–२ अन्तर्गत नेपाल, ओमान र अमेरिकाबीचको त्रिकोणात्मक एकदिवसीय सिरिज आजदेखि सुरु हुँदै छ। आजको उद्घाटन खेलमा नेपालले अमेरिकाको सामना गर्दै छ । ओमानको अल अमिरात क्रिकेट मैदानमा यी दुई टाली भिड्न लागेका हुन् । खेल नेपाली समय अनुसार अपरान्ह ४ः१५ बजेबाट सुरु हुनेछ।

लिग–२ अन्तर्गत नेपालले यसअघि घरेलु मैदानमा अमेरिकासँग खेलेको दुबै खेल जितेको थियो । सन् २०२० को फेब्रुअरी १२ मा टियु क्रिकेट मैदानमा नेपालले अमेरिकासँग पछिल्लो पटक प्रतिस्पर्धा गरेको थियो । त्यस खेलमा नेपालले अमेरिकालाई ८ विकेटले हराएको थियो। त्यसअघि फेब्रुअरी ८ मा भएको खेलमा नेपालले अमेरिकालाई ३५ रनले हराएको थियो। उक्त सिरिजमा नेपाल ओमानसँग भने दुबै खेलमा पराजित भएको थियो। ओमानसँग नेपाल पहिलो खेलमा १८ रन र दोस्रो खेलमा ८ विकेटले पराजित भएको थियो।

नेपालले सिरिजको तयारीका लागि पपुवा न्युगिनी ९ पीएनजी ० सँग दुई एकदिवसीय अन्तराष्ट्रिय सिरिज खेलेको थियो । जसमा नेपालले २–० ले क्लिन स्विप गर्यो। अमेरिकाले समेत पीएनजीविरुद्धको दुबै खेल जितेको थियो । त्यस्तै नेपालले दोस्रो खेल मंगलबार ओमानसँग खेल्नेछ।लिगमा ४ खेलबाट ४ अंक जोडेको नेपाल अंक तालिकाको छैटौं स्थानमा छ। १० खेलमा १६ अंक जोडेको ओमान शीर्ष स्थानमा रहँदा १२ खेलबाट १२ अंक जोडेको अमेरिका दोस्रो स्थानमा रहेको छ।