काठमाडौं । नव नियुक्त उपप्रधान एवं अर्थमन्त्री विष्णु पौडेलले संकट उन्मुख मुलुकको अर्थतन्त्रको चुनौतीलाई समाधान गर्ने बताउनुभएको छ ।
सोमवार अर्थमन्त्रीको पदभार ग्रहण गर्दै अर्थमन्त्री पौडेलले विज्ञ तथा सरोकावालाहरु सबैको राय तथा विश्वको अनुभवलाई समेत लिएर चुनौतीको डिलमा रहेको अर्थतन्त्रको समस्या समाधानमा लाग्ने प्रतिवद्धता जनाउनुभएको हो ।
चुनौतिपूर्ण रहेको अर्थतन्त्रलाई सुरक्षित ठाउँमा फर्काउन धेरै मेहनत गर्नुपर्ने आवश्यकता रहेको उहाँले औंल्याउनुभयो । अर्थमन्त्री पौडेलले अर्थतन्त्रका चुनौतीको कारण खोजेर, समाधानमा प्रभावकारी संवाद गर्दै पहिचान गरी समाधान गर्ने भन्दै अर्थ जगतका सबैलाई अर्थतन्त्रका विषयमा चिन्तित नलिन आग्रह गर्नुभयो । उहाँले चालु खर्च घटाउने, स्रोत व्यवस्थापन गर्दै वित्तीय क्षेत्रका समस्या समाधान गर्न आवश्यक कदम चाल्ने बताउनुभयो ।
अर्थमन्त्री पौडेलले अर्थमन्त्रीको पदबहाली गर्दै सरकारी दर्ता तथा चलानीलाई अनलाइन प्रणालीमा लैजाने पहिलो निर्णयमा हस्ताक्षर गर्नुभएको छ । अर्थ मन्त्रालय अन्तर्गतका विभाग र मन्त्रालय मातहतका निकायमा हाल रहेको परम्परागत कार्यसञ्चालन र व्यवस्थापन प्रणालीलाई अनलाइन प्राणालीमा लैजाने निर्णयमा उहाँले हस्ताक्षर गर्नुभएको हो ।
प्रतिक्रिया
सम्बन्धित खवर
