झापाको मेचीनगर नगरपालिका–१० स्थित मेची पुल इलाकाबाट सात लाख प्रतिबन्धीत भारु सहित एक महिलालाई शसस्त्र प्रहरी बलले पक्राउ गरेको छ । पक्राउ पर्नेमा भारतको दार्जिलिङ जयगाउँ घर बताउने ४५ वर्षिया सूसना पोर्तेल रहेकी छिन् ।सशस्त्र प्रहरी बल राजश्व तथा भन्सार सुरक्षा गुल्म काँकडभिट्टबाट खटिएको एपीएफ टोली र स्थानीय प्रहरीले निजलाई पक्राउ गरेको डिएसपी अजय छतकुलीले जानकारी दिए । पोर्तेलको साथबाट प्रहरीले एक हजार, पाँच सय र एक सय दरका भारतीय रुपैयाँ बरामद भएको छ । उनलाई आवश्यक कारवाहीका लागी बरामद नगदसहित स्थानीय प्रहरीमा बुझाइएको डिएसपी छतकुलीले जानकारी दिएका छन।