काठमाडौँ– नेपालकाे राष्ट्रिय फूटबल टाेली र जापानका खेलाडीबीच शनिबार भएकाे च्यारिटी फूटबल खेलमा नेपालले जापानविरूद्घ १–० गाेल अन्तरले जित हात पारेकाे छ। नेपालकाे जितमा नवयुग श्रेष्ठकाे १ गाेल नै उक्त खेलमा निर्णायक बनेकाे हाे।

नेपाल–जापानबीचकाे कूटनीतिक सम्बन्ध ६० औँ वर्षमा प्रवेश गरेका अवसरमा नेपाली राष्ट्रिय फुटबल टोली र जापानबाट आएको एक टोलीबीच खेल भएकाे हाे।

एन्फा कम्प्लेक्स सातदाेबाटाेकाे मैदानमा खेल भएकाे हाे। अखिल नेपाल फुटबल सङ्घ (एन्फा) र जापानको गैरसरकारी संस्था कलरबाथको संयुक्त आयोजनामा उक्त खेल भएकाे हाे।