दमक/झापाको दमकस्थित हम्सेदुम्से दुग्ध उत्पादन तथा संकलन सहकारीसंस्थामा नियमित दुध ल्याउने किसानहरुलाइ लक्षित गरेर ठुलो परिणाममा घाँसको बिउ निशुल्क बितरण भएको छ ।
यस क्षेत्रका पशुपालक किसानलाई लक्षित गरेर १० टन उन्नत जातको घाँसको बिउ बितरण भएको हो । यसबाट करिब ३४ विगाह जग्गामा घाँस लगाउन सकिने बताइएको छ ।
भेटेनरी अस्पताल तथा पशु सेवा विज्ञ केन्द्र भद्रपुर झापाको सहयोगमा १० क्वीटल टिओसेन्टी र सुडान प्रजातिको घाँसको विऊ वितरण गरिएको सहकारीका लेखा संयोजक बोधराज घिमिरेले बताए ।
सहकारीका अध्यक्ष पुष्पलाल ढकालका अनुसार यसभन्दा अगाडि पनि झण्डै ६ टन घाँसको बिउ बितरण भइसकेको छ ।
यो पटक सबैभन्दा धेरै परिणाममा निशुल्क घाँसको बिउ बितरण गरिएको उनले जनाए ।
वडा नं. ३ का वडाध्क्ष नबिन बरालले यो एउटा सहनीय काम भएको बताए । उनले यहाँका किसानहरुसंग हातेमालो गरेर आफुहरु बढ्ने प्रतिबद्धता पनि जनाए ।
