चैत २५, २०७५
बुटवल – बुटवल वडा नम्बर–११ नेपालकै धेरै जनसंख्या भएको वडामा पर्छ । यो वडाको जनसंख्या झण्डै ६० हजार छ । गएको निर्वाचनमा वडा नम्बर ११ को मतदातामा मात्र १३ हजारभन्दा बढी थिए ।
वडाध्यक्ष रामचन्द्र क्षेत्री २०५४ सालमा पनि यसै वडाको जनप्रतिनिधि थिए । २० वर्ष अगाडि वडाको जनसंख्या २८ हजार थियो । वडामा झण्डै ८० प्रतिशत मानिस सुुकुुम्बासी छन् । तिनाउ नदीको आसपास नदी किनारको क्षेत्र ओगटेर बस्नेको संख्या धेरै छ ।
२०५४ सालका वडा सदस्य हालका वडाध्यक्ष क्षेत्रीको भनाइ अनुसार उतिबेला बुटवलमा एउटा मात्र चर्च थियो । त्यो बुटवल ज्योति चर्च । अहिले वडामा मात्रै ३० वटा चर्च भवनहरू छन् । धेरै आफ्नै केही भाडामा घरमा चर्चका रूपमा प्रयोग गरिएको छ । उनी भन्छन, ‘सुुकुुम्बासी बस्तीमा धर्म परिर्वतन तीब्र रुपमा बढेको देखिन्छ ।’
अध्यक्ष क्षेत्रीले थपे, ‘वडाका झण्डै २५ प्रतिशत जनता क्रिश्चियन धर्म मान्न थालेका छन् । दलित समुुदायका मानिसहरू बढी क्रिश्चियन भएको देखिन्छ ।’ यसले एउटै वडामा १० हजार मानिस केही वर्षको अन्तरालमा इसाई धर्म मान्न थालेको देखिन्छ ।
‘धर्म परिवर्तन तीब्र रुपमा बढेको छ । केही वर्ष अघिसम्म क्रिश्चियन धर्मालम्बीको संख्या नगन्य थियो । तर अहिले यो वडामा संख्या हवात्तै बढेको देखिन्छ,’ क्षेत्रीले भने ।
गएको कात्तिकमा हिन्दूू धर्मलाई गाली गर्दै इसाई धर्म प्रचार गरिरहेका २ जना जापानी महिलासहित ४ जना सुुकुुम्बासी बस्तीबाटै प्रहरीले पक्राउ गरेको थियो । पछिल्लो समय बुटवल आसपासका क्षेत्रमा क्रिश्चियन हुनेको बढ्दै गएको छ ।
महिमा ज्योति चर्चका अध्यक्ष मनोहर पाठकले क्रिश्चियन धर्ममा कुुनै जातीय विभेद छुुवाछुुत नभई समभाव रहेका यो धर्मप्रति मानिसहरूको आशा बढ्दै गएको बताउँछन् ।
‘सबैभन्दा धेरै जातीय छुुवाछुुत भोग्दै आएकाहरू क्रिश्चियनप्रति आकर्षित देखिन्छन् । अर्को गरीबहरू पैसाको लोभले पनि लाग्छन् भन्ने सुुनिन्छ । तर हामीहरूले कसैलाई पनि हाम्रो धर्ममा लाग भनेका छैनौं । आफैं धर्म परिवर्तन गरिरहेका छन्,’ उनले भने ।
२०६३ सालमा गठन भएको मण्डली चर्चले अहिले वडाको एन्फा टेक्निकल सेन्टर नजिकै आफ्नै भवन बनाएर शनिवार बिहान चर्च गएर बाइबल पढ्ने गर्छन् । जहाँ हरेक शनिवार बिहान १० बजेदेखि १२ बजेसम्म भजनकीर्तन, गीत र बाइबलको प्रवचन दिइन्छ । जर्बजस्ती वा आर्थिक प्रलोभनका कारण धर्म परिवर्तन गर्न नपाइने नेपालमा कानूनी व्यवस्था रहेको छ ।
नेपालमा मुलुकी अपराध संहिताले मानिसको धर्म परिवर्तन गराउने कार्यलाई गैरकानूनी भन्दै दण्डको सजाय गरेको छ । मुलुकी अपराध संहिता ०७४ को दफा १५५ बमोजिम धर्मसम्बन्धी कसूरमा मुद्दा चलाउन सकिने व्यवस्था छ ।
बुुटवल क्रिश्चियन सोसाइटीका अध्यक्ष दशरथ श्रेष्ठले धर्म परिर्वतन गर्न पाउने मानिसमा स्वतन्त्रता रहेको बताए । रुपन्देहीमा क्रिश्चियन धर्म मान्ने मासिनको संख्या झण्डै ५० हजारभन्दा बढी पुुगेको हुन सक्ने श्रेष्ठको अनुुमान छ ।
क्रिश्चियन धर्मकी अनुयायी मना पाण्डेले क्रिश्चियन धर्ममा जातभात र छुवाछुत नभएकाले यसप्रति उनीहरूको आकर्षण बढ्दो रहेको बताउँछिन् । ‘पैसाले मात्रै उनीहरू यसमा आकर्षित भएका हुन् भन्नु गलत हो,’ पाण्डे भन्छिन्, ‘क्रिश्चियनले २ वटा जातलाई मात्रै चिन्छ, त्यो हो महिला र पुरुष । हाम्रोमा छुुवाछुुत तथा उचनिचको जात भन्ने छैन, सबै समान, सबै बराबर हो ।’
राज्यले विशेष आरक्षण र सहुलियत दिएकै समुदायका व्यक्तिलाई लक्षित गरेर धर्म परिवर्तन गराउने अभियान चलाइनु अर्को आपत्ति र चिन्ताको विषय भएको सरोकारवाला बताउँछन् । बुटवल तथा आसपासमा धर्म परिवर्तन तीब्र रुप हुन थालेपछि हिन्दू जागरण नेपाल रुपन्देहीले बुटवल वडा नम्बर १२ लाई धर्म परिवर्तनमुुक्त क्षेत्र घोषणा गर्न गरेको थियो ।
हिन्दूू धर्मालम्बीको बाहुुल्यता रहेको बुटवलमा चर्चका भवनदेखि मण्डली बन्ने क्रम तीब्र देखिन्छ । बुुटवलमा नगरमा मात्रै ४० वटाभन्दा बढी चर्च रहेको बताइको छ । गएको वर्ष अफगानिस्तानमा रोजगारीको सिलसिलामा पुुगेका जितेन्द्र थापाको मृत्युु भएपछि २ पत्नीमध्ये एउटीले इसाई धर्म संस्कार अनुुसार अन्त्यष्टि गरिनुुपर्छ र अर्कोले हिन्दू संस्कार अनुुसार गरिनुपर्छ भनेर विवाद समेत भएको थियो ।लोकान्तर
