काठमाडौं : स्थानीय तहकाे  दोस्रो चरणमा निर्वाचनमा एमाले पहिलो दल बन्न सफल भएको छ ।  मतपरिणाम आएका ३३४ स्थानीय तहमध्ये शुक्रबार विहानसम्म ३२७ स्थान मध्ये १४८ स्थान एमाले जितिसकेको छ । भने मत परिणाम आउनु बाकीँ ७ मा ४ तहमा अग्रता कायम गरिराखेको छ ।

अहिलेसम्मको मतपरिणाम अनुसार  एमालेले  प्रदेश नम्बर १ मा  मेयर र उपमेयरसहित २७२, प्रदेश न। ५ मा १७७ र प्रदेश न। ७ मा २१५ जित हासिल गरेको छ । एमाले प्रमुखमा मात्र १४८ स्थानमा,  कांग्रेस ११८ स्थानमा जित हासिल गरेर दोस्रो स्थानमा छ ।  ३८ स्थानमा मात्र जित हासिल गरेको माओवादी केन्द्र तेस्रो स्थानमा छ । उसले प्रदेश नम्बर १, ५ र ७ मा क्रमसः ९, १९ र १० स्थानीय तहमा जित हासिल गरेको छ ।

दोस्रो चरणको स्थानीय तहको चुनावमा संघीय समाजवादी फोरम चौथो शक्तिको रूपमा देखिएको छ । उनले ८ स्थानमा चुनाव जितेको छ । पाँचौमा फोरम लोकतान्त्रिक ६, छैटौंमा राप्रपा ४ र राष्ट्रिय जनमोर्चा २ स्थानीय तह सातौं स्थानमा छ । पार्टीले चुनाव बहिस्कार गरे पनि स्वतन्त्र उम्मेदवार बनेका राजपा उमेदवारले २ स्थानमा जितेका छन् ।

त्यस्तै फोरमबाट बागी उठेका एकले कृष्णनगर नगरपालिका कपिलबस्तुको मेयर जितेका छन् । अन्तिम परिणाम आउन बाँकी रहेका ९ स्थानीयमध्ये ६ स्थानमा एमाले र ३ स्थानमा नेपाली कांग्रेसको अग्रता छ ।